Tingkagol karon sa kustodiya sa Carbon Police Station ang duha ka mga lalaki human sila gidakop sa managlahing insidente diin sila gialarmahan nga misuway og pagsunog pinaagi sa pagdala-dala og gasolina.
Unang nasikop si Rainel Mayola, hingkod ang panuigon, dispatser, og nagpuyo sa Carbon Public Market.
Base sa inisyal nga impormasyon, nasayran nga gidakop si Mayola sa mga gwardiya sa Carbon Public Market tungod sa pagdala-dala og gasolina pinaagi sa pagsulod nini sa pet bottle, ug ilang gikahadlokan nga iyabo dayun duslitan ang mga stalls sa Carbon Public Market, apan kini gipanghimakak ni “Rainel” kay matud pa niya nga iyang gigamit ang gasolina alang sa bisyo nga paghithit.
Subay niini, nangayo og pasaylo si Mayola ug siya nanghinaot nga unta, dili dayunon ang pagpasaka og kaso batok kaniya.
Apan, giklaro ni Mayola nga para sa bisyo kadto ug dili sa intensyon nga mangsunog ang botelya sa gasolina nga nakuha gikan sa iyang posesyon human siya gipadakop sa mga guwardiya niadtong milabay nga Sabado, Marso 21, 2026.
Si Mayola, usa ka hamtong ang panuigon ug dispatser sa Carbon, miangkon nga naadik siya sa paghithit og mga solvent, sama sa rugby, apan mas nakauyon siya sa premium nga gasolina diin matud pa niya, mamahimo ra kini niyang mapalit sa 20 pesos og iya kining isulod sa botelya sa mineral.
Base sa reklamo sa mga residente giingong ilang nakit-an si Panganuron nga miyabo og gasolina sa yuta duol sa sapa sa Bato, Ermita, ug kini nakamugna og alarma sa mga lumulopyo sa mao nga dapit.
Apan hugot kining gipanghimakak ni Panganuron diin matud niya, gisugo siya sa usa ka lalaki nga iyabo ang gasolina nga gikataho gikuha gikan sa motorsiklo ug iyabo sa sapa.
Dugang pa, wala intensyon si Panganuron sa pag duslit sa mao nga gasolina og pagmugna og sunog sa maong lugar
Parehong mag-atubang ug kasong “attempted arson” ang duha ka mga lalaki.
