CEBU CITY- Patay diha-diha dayun ang usa ka senior citizen nga babaye human nga naligsan sa usa ka nagparada lang nga truck pasado sa alas 3 sa hapon adlawng Huwebes, Agosto 6, 2026 sa Plaridel St. Carbon Cebu City.
Matud sa usa sa mga saksi nga si alias “Lody Bell”, igo lang nagparada ang mao nga truck nga nagkarga og mga prutas samtang ang babaye nga kapin sa 60-anyos ang pangidaron nga matud pa taga Toledo City ug usa ka mang rasyonay, milabang lang kini sa dalan sa dihang kalit kining nidagan ang truck.
Hinungdan nga miigo kini sa biktima og nakaangkon ug grabeng angol hinungdan sa daling kamatayon niini.
Gisuwayan pa pagdala ang biktima sa tambalanan apan nakabsan nagayud kini og kinabuhi,
Samtang nakabangga usab og lain pang nakapark nga truck ang mismong sad-an.
