CEBU CITY- Mipalag sa alegasyong “bully” ang pamilya sa mga biktima sa madugoong pagpamusil nga nahitabo sa San Antonio Village, V. Rama Avenue, Barangay Calamba, Cebu City kagahapong buntag, Marso 27, 2026, ug nangayo og hustisya batok sa suspetsadong security guard.
Matud sa pamilya ni Vicente Gemuta, pinaagi kang Jovelyn Villela, dili tinuod nga gibully sa mga biktima ang suspetsadong si Joel Rentuma, ug wala nila madawat ang rason sa iyang gihimong krimen.
Sa eksklusibong live interview sa Bombo Radyo Cebu News Team, gihimug-atan ni Villela nga dili bully sila Renato Belanizo, 52-anyos ug Vicente Gemuta, 42-anyos.
Nasakitan usab ang pamilya sa mga negatibong komentaryo sa pipila ka netizens batok sa mga namatay.
Gipadayag sa pamilya nga ex-convict si Rentuma, nga kaniadto nabilanggo tungod sa kaso nga homicide.
Nanawagan ang pamilya nga undangon ang pagsaway sa mga biktima ug ipanubli ang hustisya pinaagi sa tukmang proseso sa balaod.
Sa pagkakaron, gihikay na ang kasong double murder batok sa suspetsado samtang nagpadayon ang imbestigasyon aron matino ang tanang detalye sa insidente.
