Nibalik na sa full practice ang NBA superstar nga si Stephen Curry human sa duha ka bulan nga wala makaduwa.
Kini tungod sa iyang nagpadayon nga sakit sa iyang tuo nga tuhod.
Sumala sa head coach sa Golden State Warriors nga si Steve Kerr, nibalik na si Curry sa 5-on-5 scrimmages uban sa pipila ka mga coach ug mga player sa team.
Ingon man ang mga sesyon sa NBA star nagpabilin nga gaan, samtang nakalinya ang uban pa niini nga full practice.
Sa pagkakaron, wala pa gikumpirma sa Golden State Warriors kung makabalik ba gyud si Curry sa aktuwal nga pagdula sa dili pa matapos ang regular season.
Ang Warriors gikatakdang makigsangka sa San Antonio ugma, Abril 2, sundan sa sunod-sunod nga duwa batok sa Cleveland Cavaliers.
Human niini, lima na lang ka duwa ang nahabilin sa regular schedule sa team sa dili pa hingpit nga matapos ang season.
Si Curry wala nakaduwa og 25 ka duwa sukad Enero 30.
