Gipahayag ni Iranian Ambassador to the Philippines Yousef Esmaeilzadeh, ang kaandam sa Iran sa pagtabang sa Pilipinas, uban sa hangyo sa gobyerno nga ibutang ang nasud isip “non-hostile” aron masiguro ang luwas nga pag-agi sa mga barko ug suplay sa lana nga adunay bandila sa Pilipinas.
Sumala ni Palace Press Officer USec. Claire Castro, gihimo sa embahador ang pahayag atol sa usa ka miting uban ni Maria Theresa Lazaro ug Sharon Garin.
Gihulagway ni Castro ang meeting nga mainiton ug abli, nga nagpakita sa kaandam sa Iran sa pagtinabangay.
Gihangyo ni Lazaro nga pormal nga ilhon ang Pilipinas isip usa ka “non-hostile country” ug aron masiguro ang luwas nga pag-agi sa mga barko ug kargamento sa lana, nga hinungdanon alang sa seguridad sa mga marinero ug sa suplay sa enerhiya sa nasud.
Gi-finalize usab sa Department of Energy ang mga detalye aron kini mapadala dayon pinaagi sa mga diplomatikong channel, samtang gilauman nga makigkita si Lazaro sa Ministro sa Langyaw sa Iran aron masiguro ang usa ka kasabutan sa labing taas nga lebel.
Gi-report dayon nila ni Lazaro ug Garin ang butang ngadto kang Presidente Ferdinand Marcos Jr.
