Gituohang nalumos patay ang 27-anyos nga lalaki sa usa ka man-made pond sa ilado nga golf course sa Brgy Kasambagan, Cebu City kagabii, Martes, Abril 7, 2026.
Ang maong lalaki giila sa pangalan nga si Ryan Germino, 27-anyos ug lumulupyo sa Brgy. Guba, bukirang barangay sa Sugbo.
Sumala sa report, mitawag ang kabanay sa mga kaubanan niini nga wana makauli sa ilahang balay ang biktima mga alas 6:00 sa gabii, ug matod sa mga kauban nga nanguli na sila samtang nahabilin pa ang biktima sa ilang gitrabahoan.
Sa dihang gisusi ang lugar, anaa pa ang mga personal nga gamit niini sulod sa dapit, diin dugang sa testimonya sa iyang mga kauban nga ang katapusang gisulti sa biktima ngadto kanila mao ang, “Maghugas sa ko,” nga nagpasabot nga maglimpyo pa siya sa ilang gigamit nga mga tools sa trabahu sa maong golf course.
Sa maong pangtahibo dili makatuo ang amahan sa biktima nga si Anicito Germino, ug sa eksklusibong pakighinabi sa Bombo Radyo Cebu kaniya, iyang gikabutyag nga 2 ka semana nang nanarbaho isip maintenance ang iyahang sa maong gulf course, hinungdan nga dili siya makatuo sa nasinati sa iyahang anak subay usab sa mga impormasyon nga nadalipsot kini ug hinungdan sa giingong pagkalumos niini.
Basi usab sa nasuta nga impormasyon sa Bombo Radyo Cebu team gikan sa Mabolo Police Station 4, nakaplagan nalang nga galutaw-lutaw ang tsinelas ug kalo sa biktima, hinungdan nga nireport diha-diha dayun ang mga kaubanan niini sa gwardiya kabahin sa nahitabo.
Ganii, mibuhat og search and rescue operations mga alas 7:00 sa gabie ang CCDRRMO Operations, CCDRRMO SRS ug EMS, Bureau of Fire Protection (BFP) Cebu City Fire Station ug Special Rescue Foundation, Emergency Rescue Unit Foundation (ERUF), Kasambagan Emergency Responders, Lapu-Lapu MRF, ug kapulisan sa PNP Cebu City Police Office – Mabolo Police Station 4.
Apan sa nilanat pa og pipila ka oras nga wala makaplagan ang lawas sa biktima, diin human sa kapin 4 ka oras nga pagpangita, nadiskubrehan ang lawas sa biktima alas 11:15 sa gabii sulod sa maong pond, ug nakaplagan nalang nga wala nay kinabuhi ang biktima.
Muabot sa gibana-banang 12 ka tiil nga gitas-on ang gilawmon sa maong man-made pond, ug gihimo sa mga otoridad ang angayng post-recovery procedures ug imbestigasyon sa insidente.
