Pacquiao, nanawagan sa UN nga hatagan og bili ang sports isip yawe sa kalinaw

Nanawagan ang kanhi boxing champion nga si Manny Pacquiao sa mga lider sa nasud nga hatagan ang mga bata og higayon nga makabaton og hayag nga kaugmaon.

Sa iyang pakigpulong sa United Nation’s Sports for Peace and Development: Leveraging Sport for Youth Empowerment and Prevention of Violent Extremism, iyang gipasiugda nga ang mga paugnat sa kusog usa ka taytayan paingon sa kalinaw.

Mahinungdanon nga hulmahon ang mga bata sa sports karon, labi na nga ang nasud nag-atubang sa lainlaing mga krisis.

Gipaambit usab niini nga ang sports nakatabang kaniya nga makakuha og disiplina ug paglaum.

Dugang niya nga importante nga ang mga bata hatagan og suporta, giya alang sa usa ka hayag nga kaugmaon.