Gikatakdang makigsangka ang retiradong Filipino boxing champion nga si Manny Pacquiao kang US boxer Shakur Stevenson sa Estados Unidos alang sa usa ka exhibition fight.
Sumala sa kampo ni Pacquiao, ilang target nga ipahigayon ang maong panagsangka sa dili pa matapos ang tuig.
Gipili ni Pacquiao si Stevenson human napakyas ang plano alang sa iyang rematch batok kang Floyd Mayweather.
Si Stevenson, 29 anyos, adunay undefeated record nga 25 ka daog ug 11 niini pinaagi sa knockout, nga naghimo kaniya nga usa sa mga top five pound-for-pound boxers.
Nadaog ni Stevenson ang WBO junior welterweight title human niya gipildi si Teofimo Lopez sa New York.
Nakadaog usab si Stevenson og silver medal sa 2016 Rio Olympics.
Samtang, si Pacquiao adunay rekord nga 62 ka daog, walo ka pildi ug tulo ka tabla, lakip ang 39 ka knockout victories.
