Walay pagsupak si Cebu City Mayor Nestor Archival sa nahitabong desisyon sa Cebu City Government, partikular na sa legislative body kabahin sa pagsuspenso una sa adjustment sa water rate sa Metropolitan Cebu Water District (MCWD) nga nagkantidad og 23 pesos matag household matag buwan.
Kini gumikan kay nasabtan ni Archival ang kalisud sa katawhan sa Dakbayan sa Sugbo, ilabi na apektado usab kini sa labihang pagtaas sa presyo sa batakang palaliton, ug ingun man ang epektong krisis nga nahatag sa padayong tensyon sa Middle East.
Apan gitatawa sa Mayor nga makahatag kini og lapad nga pagkadelatar ug krisis hilabi na nga gipunting usab ang 23 pesos nga itabang sa pag-ayo sa linyada sa mga tubo, ug dugang suplay sa tubig alang sa mga konsumidor nga giserbisyoan sa MCWD.
Kung kahinomdoman, si Cebu City Councilor Winston Pepito mibutyag usab nga dili lang ipa implementar ang maong rate sulod sa 3 ka buwan, ug kini subay sa iyahang resolusyon nga giduso nga isupenso kini aron ang matag konsumedor dili magsagubang sa bayronon.
