Gipangandaman sa Mandaue City Police Office ang posibleng pagsaka sa mga kaso sa pagpangawat ug tulis gumikan sa padayung nasinati nga krisis sa nasud.
Matud ni Police Colonel Cirilio Acosta Jr. ang City Director sa Mandaue City Police nga mas gipalig-on pa ang pagpahigayon og patroling sa tibouk siyudad sa Mandaue, pinaagi sa mando ni Police Brigader General Arnold Evangelista Abad, hilabi na sa pagbantay sa mga iskinita.
Sigon niini nga padayon usab ang pagpang ronda sa mga kapulisan inabagan sa mga barangay police aron mas malikayan ang kaso sa krimen hilabi na nga nakasinati og kalisod ang mga tawo.
Mapasalamaton usab si Acosta, sa kagamhanan sa Dakbayan sa Mandaue, sa padayung pagsuporta sa kapulisan hilabi na sa wala pagkunhod sa kunsomo sa gasoline aron makapadayon sa pagpatrol.
Padayon usab nga gipahigayon ang pagpatuman sa Safer Cities Initiatives, diin nakahatag og positibong epekto sa mga komunidad sa siyudad sa Mandaue.
