PNP chief, nanawagan og dakong imbestigasyon sa mga pulis nga nalambigit sa illegal nga mga kalihokan

Hugot nga gimando ni Philippine National Police Chief Police General Jose Melencio C. Nartatez, Jr. karong adlawa ang halapad nga intelligence-monitoring ug imbestigasyon.

Kini aron mailhan ang mga pulis nga nahimong tigpanalipod sa ilegal nga sugal ug bisan unsang klase sa ilegal nga kalihokan.

Nagsunod ang maong mando sa pagkadakop sa usa ka police major nga nalambigit isip tigpanalipod sa illegal nga kalihokan sa Negros Island.

Ang pulis gitangtang sa iyang pwesto ug karon ubos sa restrictive custody isip kabahin sa gipalapdang imbestigasyon ug giingong sugal.

Giinsistir sa hepe sa PNP nga kini nga klase sa pulis usa ka anay nga nagdaot sa ngalan sa PNP.