Nakalas ang labing menos pito ka tawo ang human nahugno ang 8 feet nga bungbong sulod sa usa ka ospital sa Bengaluru, India.
Ang mga namatay naglakip sa usa ka bata, upat ka mga street vendors, ug duha pa ka mga indibidwal gikan sa Kerala, sumala ni D. K. Shivakumar, diin aduna pay tulo ka mga tawo ang nasamdan ug karon nagpabilin sa tambalanan.
Gitawag ni Indian Prime Minister Narendra Modi ang insidente nga “unfortunate” sa usa ka pahayag sa social media.
Ang siyudad nakasinati og kalit nga pagbag-o sa panahon human sa mga semana nga grabe nga kainit ug taas nga humidity. Kusog nga ulan, kusog nga hangin, ug mga ulan nga yelo ang nasinati sa mga bahin sa Karnataka, nga mahimong nakatampo sa insidente.
Samtang ang mga ulan nagdala og mubo nga pahuway gikan sa kainit, kini miresulta usab sa mga pagkabalda sama sa pagbaha ug pagkatumba sa mga kahoy sa lainlaing mga bahin sa siyudad.
Giimbestigahan pa sa mga awtoridad ang hinungdan sa pagkahugno sa bungbong samtang gisusi ang kinatibuk-ang kadaot nga gipahinabo sa grabe nga panahon.
