Gikatakdang mobisita sa Pilipinas karong Nobyembre si US President Donald Trump aron motambong sa ika-49 nga ASEAN Summit sa Metro Manila, sumala sa Malacañang, ug gikumpirma kini sa Palasyo niadtong Oktubre 14.
Ang mga lider gikan sa Association of Southeast Asian Nations (ASEAN) ug mga kaubang nasod gilaumang motambong sa maong panagtigom aron hisgutan ang mga isyu sa rehiyon ug palig-onon ang diplomatikong relasyon.
Samtang, wala pa magpagawas ang Malacañang og kompleto nga mga detalye bahin sa schedule sa pagbisita ni Trump, lakip na ang posibleng mga diskusyon mahitungod sa “Pax Silica.”
Gilauman usab nga motambong ang mga lider gikan sa ubang mga nasod nga kauban sa ASEAN, lakip na si Indian Prime Minister Narendra Modi.
Kahinumdoman nga katapusang mibisita si Trump sa Pilipinas niadtong Nobyembre 2017, panahon sa administrasyon ni kanhi Presidente Rodrigo Duterte aron motambong sa ika-31 nga ASEAN Summit.
Isip host sa ika-49 nga ASEAN Summit karong tuiga, gideklarar sa gobyerno ang tulo ka adlaw nga espesyal nga walay trabaho sa Metro Manila, gikan sa Nobyembre 16 hangtod 18, 2026.
Tumong niini, ang pagtabang sa pagdumala sa dagan sa trapiko ug pagpasayon sa mga pagpangandam sa seguridad alang sa mga lider ug mga delegado nga motambong.
