CENTRAL VISAYAS- Gimando sa pangu sa kapulisan sa nasud ang pagpatuman og maximum tolerance ngadto sa nagpahigayon og lihuk protesta atol sa Association of Southeast Asian nations (ASEAN) leaders meeting 2026 nga ipahigayon sa Dakbayan sa Lapu-Lapu karong semanaha.
Kini ang gibutyag ni PNP chief PGEN Jose Melencio Nartatez Jr. diin striktong ipatuman sa kapulisan ang mga lihok protesta nga walay permit to rally.
Gikanayon usab ni Nartatez nga kon ugaling adunay mga magprotesta sa mga lugar nga ipahigayon ang ASEAN meetings andam madeploy ang civil disturbance management unit nga naka poste sa mga lugar nga kumpleto sa mga ekipo aron sa pagprotektar sa ilang kaugalingon.
Masaligon usab si Nartatez ngadto sa kapabilidad sa bag-ong regional director sa PRO 7 ug magsilbing task group central Visayas ASEAN Summit 2026 Commander PBGEN Arnold Abad aron sa pag atubang sa posibleng mga demonstration nga mahitabo tungod sa kasinatian niini sa diha nga gipangulohan pa ni Abad ang Manila Police District nga kanunay nga mag-atubang og rally katulo sa usa ka adlaw. via Bombo Rexmond Omega
