Napakyas ang U.S. House of Representatives sa pagpasar sa usa ka Democratic-led nga resolusyon nga unta mopugong sa mga operasyon sa militar sa Iran gawas kon aprubahan una sa Kongreso.
Ang mosyon, nga gitumong nga limitahan ang gahum sa administrasyon ni Donald Trump, napakyas sa patas nga boto nga 212–212.
Tungod sa kinahanglanon sa simple majority, napukan gihapon ang resolusyon bisan pa sa hugot nga labaw sa boto.
Kini na ang ikatulong higayon karong tuiga nga misulay ang mga mambabalaod sa pagpugong sa military operations sa Iran, human sa unang pagsulay niadtong Mayo 1.
Kaniadto, giingon ni Trump nga ang ceasefire sa nagpadayon nga panagbangi sa Iran “Terminated” na.
Sa laing bahin, ang U.S. Senate nakakita usab og hugot nga boto, diin napukan ang usa ka war powers resolution sa 50–49, human suportahan sa pipila ka Republicans ug halos tanang Democrats gawas sa usa ka miyembro.
