Gipasanginlan ni US President Donald Trump ang iyang mga kaatbang sa politika nga mga Democrats nga nanghinaut nga mapildi ang Estados Unidos sa away niini batok sa Iran.
Matud ni Trump, gamiton sa mga Democrats ang panagbangi aron mapukan ang Republican Party, ang partido nga iyang giapilan.
Una nang miingon si Trump nga dili angay tawgon og gubat ang panagbangi tali sa Estados Unidos ug Iran, kondili usa lamang kini ka military conflict.
Gipamenos usab niya ang epekto sa mga pag-atake sa Estados Unidos batok sa Iran, ug miingon nga nakab-ot sa US ang mga tumong niini nga gamay ra ang nangamatay sa bahin sa Amerika.
Kahinumduman nga gilunsad pag-usab sa Estados Unidos ang mga pag-atake batok sa Iran human sa mga insidente nga nalambigit sa mga barkong moagi sa Strait of Hormuz.
