Gipanghimakak sa White House ang mga taho nga nag-ingong adunay plano ang administrasyon ni US President Donald Trump nga tangtangon sa ilang mga katungdanan ang pipila ka taas nga opisyal sa gabinete.
Lakip sa gilangkuban sa mga espekulasyon ang posibleng pagkatangtang nila ni Defense Secretary Pete Hegseth ug Secretary of State Marco Rubio.
Mitumaw ang maong mga pangagpas human mapakyas ang Republican Party nga makakuha og igong gidaghanon sa mga lingkoranan sa bag-ohay lang nga midterm elections sa Estados Unidos.
Dugang pa niini, usa ka miyembro sa Kongreso nga sakop sa Republican Party ug hapit na matapos ang termino ang mipahayag sa hulga nga iduso ang impeachment proceedings batok kang Hegseth.
Samtang, gilimod usab ni Rubio ang mga taho nga mobiya siya sa iyang katungdanan aron mangandam sa posibleng pagdagan sa pagkapresidente sa 2028.
Parehong gisalikway sa White House ug US State Department ang maong mga taho, nga ilang gihulagway nga “fake news.”
