Nagtuo si US President Donald Trump nga wala naghatag og tabang ang China ug Russia sa Iran taliwala sa nagpadayong tensiyon ug mga taho bahin sa giingong mga pag-atake batok sa mga American troops.
Matod ni Trump, dako ang mahimong mawala sa China ug Russia kon mosuporta sila sa Iran, ilabi na tungod sa hugot nga baruganan sa Estados Unidos batok sa maong mga nasod.
Gipahayag kini ni Trump agig reaksyon sa mga taho nga nag-ingong nagtabang ang China ug Russia sa Iran sa mga aksiyon batok sa mga American troops.
Dugang pa sa presidente sa US, dali rang mahibal-an kon tinuod nga naghatag og tabang ang China ug Russia sa Iran.
Kahinumdoman nga adunay mga nasod sa Europe nga nagtuo nga nagtabang ang China ug Russia sa Iran sa pagpalig-on sa kapasidad niini sa militar.
