PROVINCE OF CEBU- Mamahimo nang mobayad ang mga Sugboanon sa buhis, multa, bayranan sa tubig, ug bayranan sa kuryente sa Kagamhanan sa Probinsya sa Sugbo online pinaagi sa E-wallet.
Matud ni Paulo Uy, ang pangulo sa Cebu Provincial Digitalization Program nga ang lakang kabahin sa mga paningkamot sa Kapitolyo aron mapalambo ang mas episyente, transparent, ug accessible nga serbisyo publiko pinaagi sa digitalization.
Ang mga transaksyon nga mahimo nang mabayran pinaagi sa GCash app naglakip sa transfer tax, real property tax, bayranan sa balas ug graba, Governor’s Permit, buhis sa mga delivery truck ug van, franchise tax, bayranan sa abang, professional tax, multa, ug uban pang mga bayranan nga may kalabotan sa Kapitolyo.
Ang mga bayranan sa bayranan sa kuryente para sa mga residente sa Isla sa Malapascua, diin ang Kapitolyo nagpadagan sa mga serbisyo sa generator, anaa na usab sa online.
Ang mga residente sa Carmen ug Moalboal nga sakop sa Inter-LGU Waterworks System sa Kapitolyo mahimo usab nga mobayad sa ilang mga bayranan sa tubig pinaagi sa nahisgutang E-wallet.
