Mitanyag og tabang ang ubang mga nasud human sa kusog nga magnitude 7.8 nga linog nga miuyog sa Sarangani ug nabati sa daghang bahin sa Mindanao gahapon sa buntag sa Hunyo 8.
Sumala sa Armed Forces of the Philippines (AFP) Chief of Staff nga si General Romeo Brawner Jr., lakip sa mitanyag og suporta ang ilang mga katugbang nga militar gikan sa Estados Unidos sa Amerika, Japan, Indonesia, ug uban pang mga nasod.
Miingon si Brawner nga andam ang maong mga nasod sa paghatag sa kinahanglan nga tabang samtang nagpadayon ang mga paningkamot sa pagtubag sa emerhensya sa mga apektadong lugar.
Sa bahin sa AFP, nagpabilin nga aktibo ang deployment sa mga tropa ngadto sa mga apektadong lugar human dayon sa kusog nga linog.
Ang mga sundalo nagtabang sa pagpangita, pagluwas, pagkuha sa mga biktima, paghatag og ayuda, ug uban pang humanitarian operations.
Giingon usab sa AFP nga ang linog wala nakapahinabog bisan unsang dakong kadaot sa mga pasilidad militar, ug walay mga personnel nga nasamdan.
Sumala sa pinakabag-ong kumpirmasyon sa National Disaster Risk Reduction and Management Council (NDRRMC), ang ihap sa mga namatay misaka na sa 35.
