Nanawagan og hustisya ang amahan sa namatay nga Ateneo Blue Eagles men’s basketball player nga si Divine Adili human nalumos ang iyang anak atol sa usa ka team building activity sa Aurora niadtong Hunyo 8, 2026.
Una nang gipahibalo sa Ateneo de Manila University ang opisyal nga pagkamatay ni Adili ug sa rookie player nga si Rene Clert Baterbonia human sila giingong nalumos samtang nagpahigayon og aktibidad ang team sa Dipaculao, Aurora.
Sa usa ka post niadtong Biyernes, Hunyo 12, subling gipadayag ni Elias Adili—amahan ni Divine—ang iyang panawagan alang sa hustisya ug tulubagon kabahin sa trahedya.
Gipaambit usab niya ang mga kontribusyon sa iyang anak sa programa sa basketball sa Ateneo ug sa mga internasyonal nga torneyo, diin iyang gipasigarbo ang dedikasyon ug kahanas sa batan-on.
Taliwala sa dakong kasubo sa pamilya, giinsistir sa amahan nga ang kamatayon sa iyang anak agi og resulta nga usa ka “carelessness” o “kawalay pagtagad.”
Gitapos niya ang iyang mensahe pinaagi sa pagpadayag sa iyang lalom nga kamingaw alang sa mitaliwan nga anak.
Sa pagkakaron, ang lawas ni Adili anaa gihaya sa Arlington Memorial Chapel sa Quezon City, samtang ang lawas ni Baterbonia gibalik na ngadto sa Davao City.
