Wala kapugngi ni Sen. Panfilo “Ping” Lacson ang pagdayeg kang Sen. Joel Villanueva ug Sen. Francis “Chiz” Escudero atol sa Senate Special Session nga gipahigayon gahapong adlawa, Hunyo 17.
Sumala ni Lacson, ang duha ka senador mas naka-focus sa pagpabalik sa kredibilidad ug kahusay sa Senado.
Kini human nga ang duha ka senador mitambong sa sesyon, nga nagtugot sa Majority bloc nga maporma ang quorum nga 13 ug magpahigayon og regular session, nga gipangulohan ni Sen. Gatchalian isip Senate President.
Sa laing bahin, gihangyo usab ni Lacson nga dili siya itudlo isip chairperson sa Senate Blue Ribbon Committee tungod kay gikapoy na siya sa pagkawala sa mga higala ug nagtuo nga adunay uban nga kwalipikado nga mangulo sa gamhanang komite.
Apan kung walay mokuha sa posisyon, dawaton niya ang posisyon sa komite.
