Ipatawag sa Philippine National Police -Criminal Investigation and Detection Group (PNP-CIDG) si Atene de Manila University president Roberto Yap.
Kini ang gikumpirma ni Interior Secretary Jonvic Remulla nga adunay nay subpoena ang CIDG aron makahatag og katin-awan sa kamatayon sa mga magduduwa sa basketball nga sila si Rene Baterbonia ug Divine Adili.
Apan, wala mohatag og bisan unsang impormasyon si Remulla kung kanus-a moatubang sa PNP-CIDG ang manager sa Ateneo men’s basketball team nga si Epok Quimpo.
Niadtong Biyernes, Hunyo 19, miabot sa PNP-CIDG ang head coach nga si Tab Baldwin, coaching staff nga si Dean Castano ug athletic Director nga si Em Fernandez.
Nihatag sila og mga pahayag bahin sa ilang kalambigitan sa kamatayon ni Baterbonia ug Adili.
Samtang, nakamatyag usab ang PNP-CIDG og daghang mga dili makanunayon nga mga pahayag nga gihimo sa mga players ug coaching staff sa Ateneo Men’s Basketball team, taliwala sa nagpadayon nga imbestigasyon sa kamatayon nila ni Rene Baterbonia ug Divine Adili, matod pa ni Remulla.
Kahinomdoman nga si Baldwin ug Yap unang nangayo og pasaylo sa mga pamilya ni Adili ug Baterbonia.
