Gipatin-aw sa Malacañang nga walay bisan unsang gipangayong kapalit ang Russia alang sa pagpagawas sa 24 ka mga Pilipinong naprisgo sa maong nasod.
Sumala ni Palace Press Officer USec. Claire Castro, gihisgutan lamang ni Presidente Ferdinand Marcos Jr. ang kahimtang sa mga Pilipino sa iyang bilateral meeting uban ni Russian President Vladimir Putin.
Nahingangha matod pa si Putin sa pagsayod niini ug daling nisaad nga susihon ang ilang kahimtang aron pangitaan og solusyon ubos sa balaod ug polisiya sa Russia.
Gisiguro ni Castro nga nagpabiling nirespeto ang Pilipinas sa mga balaod sa Russia, ug nahimong positibo ang tubag ni Putin nga miresulta sa dinalian nga pagpauli sa mga Pilipino.
Gikalipay og dako ni Presidente Marcos ang maong aksyon, diin gipaklaro sa palasyo nga walay laing kondisyon ang nalakip sa maong pagpagawas gawas sa maayong dagan sa panag-istorya sa duha ka lider.
