Naggahin si Pope Leo XIV og inisyal nga tabang pang-emerhensya nga nagkantidad og €100,000 (gibana-bana nga $114,000) alang sa mga biktima sa kusog nga linog nga miigo sa Venezuela.
Sumala sa Vatican, ang maong pundo gikan sa Apostolic Almonry, ang opisina nga maoy nagdumala sa mayo nga mga buhat sa Santo Papa ngadto sa mga komunidad nga nanginahanglan.
Giklaro sa Vatican nga ang maong kantidad usa lamang ka inisyal nga ayuda aron makatabang sa dinalian nga mga operasyon sa relief and rescue operations sa mga biktima sa katalagman.
Kahinumduman nga gitay-og ang Venezuela sa sunod-sunod ug kusog nga linog nga may magnitude 7.2 ug 7.5, diin labing menos 164 ka mga tawo na ang gikatahong namatay, sumala sa inisyal nga report sa mga awtoridad.
Gawas sa Vatican, ubay-ubay pa nga mga nasud ug internasyonal nga organisasyon ang nagpahayag na usab sa ilang kaandam sa pagpadala og tabang, lakip na ang Cuba, Iran, Italy, Estados Unidos, ug ang European Union.
