Gikonsiderar ni Bise Presidente Sara Duterte ang kalit nga rally sa Iglesia Ni Cristo sa EDSA White Plains section nga naghulagway sa iyang dugay na nga yangungo sa gobyerno sukad pa niadtong 2024.
Matud sa Bise Presidente nga kini nagpamatuod lamang nga ang kasamtangang administrasyon adunay huyang nga termino.
Dugang niini nga ang gobyerno wala magtagad ug wala mag-ila sa tinuod nga mga problema sa katawhan.
Pipila sa mga isyu nga iyang gihisgutan mao ang padayon nga pagsaka sa presyo sa mga palaliton, kakulang sa mga trabaho ug ang giingong kawalay pagtagad ni Presidente Ferdinand Marcos sa mga reklamo sa katawhan.
Giakusahan sa Bise Presidente ang administrasyong Marcos sa paggamit sa sistema sa hustisya aron pagkiha ug pagpriso sa tanang mga indibidwal nga nagsaway sa gobyerno.
Mahinumduman nga liboan ka mga miyembro sa INC ang kalit nga nagpahigayon og protesta sa EDSA -White Plains usa ka adlaw human gipahibalo sa Office of the Ombudsman nga nag-andam sila og kasong plunder batok kang Senador Rodante Marcoleta.
