Mitimbaya si Presidente Ferdinand R. Marcos Jr. kang Alex Eala human siya nakaabante sa ikatulong hugna sa Wimbledon, nga iyang giingon nga nagpamatuod nga usa siya ka world-class nga atleta ug usa ka inspirasyon sa mga batan-ong Pilipino.
Sumala sa Chief Executive, si Eala adunay daghan pa nga ikapakita sa kalibutan sa tennis ug mapasigarbuhon nga nagpadayon siya sa pagdala og dungog sa nasud.
Giawhag usab ni Marcos ang publiko nga ipadayon ang pagsuporta kang Eala, uban sa mensahe nga ang tibuok katawhang Pilipino nagsuporta sa iyang pakigbisog alang sa Pilipinas.
Human sa iyang makasaysayanong kadaogan sa ikatulong hugna sa torneo, makigsangka kini batok sa Italian tennis player nga si Jasmine Paolini, kinsa kasamtangang anaa sa Rank No. 17 usa sa mga nag-unang player sa Women’s Tennis Association kon WTA.
Gilauman nga mahimong tense ang maong panagsangka samtang padayon nga nagtinguha si Eala nga makapadayon sa iyang impresibong kampanya ug makahatag og dugang nga dungog sa Pilipinas sa prestihiyosong torneo.
TAGS Alex Eala pangulong ferdinand marcos jr. PBBM Tennis Trending Wimbledon
