Gibutyag ni Atty. Neri Colmenares, Human Rights lawyer ug kanhi Prosecution Team sa Impeachment Trial ni Former Chief Justice Renato Corona, nga posible pa nga magdugay ang pagdungog sa impeachment trial ni Vice President ngadto sa 6 ka buwan.
Kini gumikan kay aduna usab mga decalibre nga mga abogado ang defense team ni VP Duterte lakip na ang pipila ka mga senador nga mga kaalyado niini.
Matud ni Colmenares, nga posible usab mausab ang rules and procedure sa mismong impeachment hilabi na sa hisgutanan sa posibleng mahimong Presiding Officer.
Dugang pa niini nga kinahanglang motambong si VP Duterte sa impeachment trial aron masayod ang katawhan sa kamatouran hilabi na sa hisgutanan sa paggasto sa pundo sa publiko.
Sigon ni Atty. Colmenares, nga bisan paman nga ang publiko ihulagway ang impeachment trial isip usa ka politically motivated, kinahanglan gihapon ni Duterte nga iprobar nga wala siyay tulobagon niini.
Mensahi usab niini sa publiko, nga ang mismong impeachment trial dili mahitungod sa panagbangi sa Marcoses ug Duterte’s apan isyu kini sa pagpanubag kung asa ang kwarta sa katawhan ug angayan lang kini nga tubagon si VP Duterte.
Samtang, gipahibalo sa spokesperson sa Defense team ni Vice Presidente Sara Duterte nga si Atty. Michael Poa, nga dili motambong siVice Presidente Sara Duterte sa unang adlaw sa iyang impeachment trial.
