Gipasabot ni Atty. Rameses Victorious Gatchalian Villagonzalo, ICC Accredited Lawyer ang kalahian sa sinumbong adto litison sa hukmanan sa Korte Suprema, ug ang laing usa ka sinumbong adto usab litison sa Senado, susama ni Vice President Sara Duterte subay na sa kasamtangang nagpadayon nga impeachment trial niini.
Matod ni Villagonzalo atol sa eklsklusibong pakighinabi sa Bombo Radyo Cebu kaniya, ang anaa sa regular nga korte alang kini sa mga krimen nga anaa sa revised penal code ug sa mga special law, ug ang dad-on sa korte mao ang mga non-impeachable officers.
Samtang sa Senado isip impeachment court, mao kini ang mga impeachable officer ang mamahimong itaral didto.
Gitino usab ni Atty. Villagonzalo ang dakong kalahian sa regular court kung adunay criminal case, aduna kini multa o pagkapriso kung makonbikto. Apan sa Senado, kung mainbikto ang impeachable officer, matang-tang kini sa katungdanan, ug dili na kini mamahimong makakuha sa bisan unsang posisyon sa gobyerno.
