Mipirma ang 7-foot center sa San Antonio Spurs nga si Victor Wembanyama og maximum extension.
Diin ang kontrata ni Wembanyama nagkantidad og $252 milyon sa iyang rookie extension, nga molungtad og lima ka tuig.
Apil niini ang ‘player option’ sa ikalimang season, ingon man nga ang probisyon sa kontrata maghatag kang Wemby og oportunidad sa pagpili kung magpabilin ba siya sa Spurs sa iyang ikalimang tuig o mobalhin sa laing team.
Basi sa report gikan sa mga insider sa NBA, si Wemby miuyon nga mopirma og 25% maximum imbes nga 30% supermax extension, human sa sunod-sunod nga mga panagsulti ug negosasyon.
Kon nakalusot pa ang supermax, ang kontrata ni Wembanyama mokantidad unta og $303 milyon sa dugang nga lima ka tuig nga iyang pagpabilin sa San Antonio.
Ang kontrata sa rookie center mao ang ikatulo nga pinakadako nga rookie extension sa kasaysayan sa NBA. Ang pinakadako nga extension nagpabilin kang Cade Cunningham sa Detroit Pistons ug Evan Mobley sa Cleveland Cavaliers.
Sa pagbalik-lantaw sa katapusan sa 2025-2026 season, nadala sa Wembanyama ang San Antonio sa postseason sa tabang sa maayong rekord sa daog-pildi – ang ikaduha nga pinakamaayo sa Western Conference.
Nakaabot usab ang Spurs sa NBA Finals human nila gipildi ang defending champion nga Oklahoma City Thunder sa conference finals, apan sa katapusan napildi ang team sa New York Knicks.
