Gatusan ka mga concrete blocks ang nangahulog sa amihanang bahin sa Cebu South Coastal Road duol sa Talisay International Port human ang platform sa usa ka flatbed truck nahugno samtang nagdala sa karga niini niadtong Sabado, Agosto 1, 2026.
Sumala ni Jonathan Joy Tumulak ang Head sa City of Talisay-Traffic Operations and Development Authority (CT-TODA), ang drayber miingon nga ang trak nagdala og halos 1,000 ka concrete blocks gikan sa Barangay Inayawan, paingon sa Dakbayan sa Mandaue sa dihang ang mga natumba nga bloke nahulog sa dalan.
Walay ra hinuoy gitaho nga mga motorista o pedestrian nga nasamdan sa insidente.
Gihimug-atan ni Tumulak, nga angayang susihon sa kagamhanan sa trapiko ang susamang mga sakyanan nga magdala og susamang semento gumikan kay possible kining maka among sa ubang motorista.
Hinungdan nga siya mihangyo sa buhatan sa Land Transportation Office, nga hugot nga susihon ang mga karga og gibug-aton sa mga truck, aron malikay sa susamang panghitabo.
Dali ra usab nga nahawan ang mismong dalan nga naapektuhan sa aksidente gumikan sa nagkatag nga mga concrete blocks nga anaa sa kadalanan.
.
