-- ADVERTISEMENT --
Nakasulod sa iyang labing unang WTA 500 finals ang Filipina tennis prodigy nga si Alex Eala human gidominar ang Mubadala DC Open semifinals batok sa kanhi world No. 1 nga si Naomi Osaka.
Giduminar ni Eala ang dagan sa duwa gikan sa sugod hangtod sa katapusan aron makuha ang tam-is nga daog, 6-4, 6-2.
Gumikan niini, ikaatbang sa 19-anyos nga Pinay sa championship match ang top seed nga si Jessica Pegula sa United States, kinsa nagagikan usab sa pagpildi kang Diana Shnaider sa Russia.
Pagsulay kini alang kang Eala sanglit gipildi man siya ni Pegula sa ilang ulahing sangka sa Miami Open sa miaging tuig.
