-- ADVERTISEMENT --
Gipahibawo ni Cebu Governor Pamela Baricuatro nga dunay pasabog nga pagabuhaton ang iyang administrasyon sa umaabot niyang State of the Province Address (Sopa) karong buwana.
Gitug-an kini sa gobernador atol sa kasaulogan sa ika-457 nga anibersaryo sa Probinsya sa Sugbo niadtong Lunes, Agosto 3, 2026.
Giawhag niya ang publiko sa pag-abang sa maong panghitabo ug gipasidan-an ang mga badlongon, apan wala pa kini naghatag og dugang detalye sa maong surprisa.
Gawas sa gipaabot nga pasabog, gipasalig ni Baricuatro nga iyang ipasigarbo sa iyang Sopa ang mga programa sa panglawas ug uban pang nahimo sa iyahang unang tuig sa pagdumala.
