Gitinguha sa Estados Unidos nga maabot ang kasabutan uban sa Iran aron maablihan pag-usab ang Strait of Hormuz sa Martes o Miyerkules, lokal nga oras, aron tugotan pag-usab ang libre nga paglawig sa mga commercial vessel.
Matod ni U.S. Treasury Secretary Scott Bessent, nagpadayon ang negosasyon sa duha ka nasud bahin niini.
Sumala sa usa ka opisyal sa US, posible nga maabot ang kasabutan nga magpahiuli sa kagawasan sa paglihok sa maong importanteng shipping lane.
Gipasabot usab sa opisyal nga dili tugotan ang Iran nga magpataw og bayranan o toll sa mga barko nga moagi sa Strait of Hormuz.
Tungod sa maong balita, miubos ang presyo sa krudo ngadto sa ubos sa $77 matag bariles, samtang naglaom ang mga negosyante nga maablihan pag-usab sa labing madali ang maong ruta nga importante sa suplay sa enerhiya sa kalibotan.
