Kapin sa 5,000 ka mga empleyado sa Kagamhanan sa Probinsya sa Sugbo ang makadawat og P20,000 nga insentibo isip kabahin sa selebrasyon sa ika-457 nga Founding Anniversary sa Probinsya sa Sugbo, kini ang gipahibalo ni Gobernador Pamela Baricuatro niadtong Huwebes, Agosto 6.
Si Baricuatro miingon nga ang insentibo nag-ila sa mga kontribusyon sa mga empleyado sa Kapitolyo ug nagtumong sa pagdasig sa padayon nga serbisyo publiko, Lakip sa makadawat sa bonus mao ang mga regular, casual, job order, ug contract of service personnel nga gi-empleyo sa gobyerno sa probinsya sukad Agosto 6, 2026, nga nakahatag og labing menos usa ka bulan nga serbisyo.
Ang mga rekord sa Provincial Human Resource Management Office nagpakita nga mga 5,070 ka mga empleyado ang kasamtangang nagtrabaho alang sa Gobyerno sa Probinsya sa Sugbo.
Sigon ni Baricuatro, nga ang insentibo karong tuiga mas ubos itandi sa P35,000 nga bonus nga gihatag atol sa anibersaryo sa miaging tuig aron masiguro nga ang panalapi sa probinsya magpabilin nga malungtaron.
Hinoun gidugang niini nga ang insentibo, kinahanglan pa ang pag-aprubar sa Junta Provincial, gawas sa cash incentive, ang kagamhanan sa probinsya mag-apod-apod og 25 ka kilong bugas sa matag empleyado sa Kapitolyo.
Gipahibalo usab sa gobernadora, plano usab niini ang pagtukod sa Cebu Province Rehabilitation and Physiotherapy Center, nga magsilbing gym ug wellness facility alang sa mga empleyado sa kagamhanan sa probinsya.
