Ipaubos na usab sa yellow alert ang Visayas Grid karong Lunes, Agosto 10, gikan alas-5:00 sa hapon hangtod alas-8:00 sa gabii.
Kini tungod sa kawalay magamit sa dagkong coal-fired power plants ug limitado nga importasyon sa kuryente gikan sa Mindanao.
Sa advisory nga gi-isyu, giingon sa National Grid Corporation of the Philippines (NGCP) nga adunay 2,350 megawatts (MW) nga available capacity ang Visayas Grid, samtang gilauman nga moabot sa 2,276 MW ang peak demand.
Nagpasabot kini nga limitado ang operating margin o ang reserba sa kuryente nga gikinahanglan isip contingency kung kalit nga mapakyas ang pinakadakong power plant sa grid.
Sa pagkakaron, lima ka power plant sa Visayas ang dili magamit, dugang sa kapin 20 ka mga planta nga napugos og outage sukad niadtong 2021.
Samtang, 13 pa ka power plant ang nag-operate sa derated capacity, nga miresulta sa pagkawala sa 909.8 MW nga kapasidad sa grid.
