Miabot na sa 2,011 ang kumpirmadong namatay sa Ebola sa Democratic Republic of Congo (DRC), samtang mikaylap pa ang virus sa lima ka probinsya.
Kung diin, aduna nay 4,381 ka kumpirmadong kaso, sumala sa pinakabag-ong datos sa public health institute sa Congo.
Ang outbreak, nga gipahinabo sa Bundibugyo species sa Ebola, mao na ang ika-17 nga pag-ulbo sa nasud.
Wala pay naaprobahang bakuna o treatment batok niini nga strain.
Gipasamot sa pagkalangan sa pag-ila sa mga kaso, kagubot ug kakulang sa health services ug medical supplies ang pagkaylap sa virus.
Nakababag usab sa contact tracing ug isolation ang kakulang sa seguridad sa mga apektadong lugar.
Gideklarar sa World Health Organization ang outbreak isip Public Health Emergency of International Concern (PHEIC) human matala ang mga kaso nga may kalabotan sa Uganda.
Sumala sa mga health official, misaka gikan 1,000 ngadto sa kapin 2,000 ang namatay sulod lang sa pipila ka semana, nga nagpakita sa paspas nga pagdagan sa outbreak kumpara sa nangaging Ebola outbreaks.
Nagpadayon usab ang mga hagit sa response tungod sa kakulang sa pagsalig sa pipila ka komunidad sa health workers, nga nakaapekto sa contact tracing, isolation ug safe burial efforts.
