Milapas na sa 5,000 ang ihap sa mga namatay tungod sa Ebola outbreak sa Democratic Republic of Congo, sumala sa datos sa gobyerno.
Kapin sa 10,000 ka mga tawo ang nataptan sukad Mayo.
Wala pa gihapoy naaprobahan nga tambal o bakuna aron mapuo ang talagsaon nga strain sa Ebola virus nga hinungdan sa Bundibugyo virus disease (BVD).
Ang mga awtoridad nag-ingon nga walo sa 26 ka probinsya sa Congo ang naapektuhan sa Ebola virus, diin daghang mga kamatayon ang nahitabo sa gawas sa mga treatment center.
Kini giisip nga ikaduha nga pinakadako sa kasaysayan sa kalibutan
Ang Ebola outbreak karong tuiga giisip nga ikaduha nga pinakadako sa kasaysayan sa kalibutan, sunod lamang sa 2014-2016 nga nag-impeksyon sa hapit 28,600 ug nakapatay sa hapit 11,000 sa Guinea, Liberia, ug Sierra Leone.
Niadtong miaging Domingo, ang Nigeria nahimong ikaupat nga nasud sa Africa nga nagreport og kaso sa Ebola.
Samtang, ang Kenya ug Uganda miapil usab sa mga nasud sa East Africa nga nakatala og mga kaso sa Ebola.
