Miabot na sa 7,000 ang gidaghanon sa mga kaso sa Ebola virus sa Democratic Republic of the Congo (DRC), nga nagtimaan sa pinakagrabe nga pag-ulbo sa maong sakit sa kasaysayan sa nasud, sumala sa lokal nga gobyerno.
Gikan sa 7,022 ka mga kaso sa Ebola, 3,398 niini ang natalangt namatay, samtang 837 ka mga tawo ang kasamtangang nagpa-ilalom sa pagtambal.
Ang pag-ulbo sa sakit gipahinabo sa Bundibugyo variant sa virus; diin kini ang ika-17 nga epidemya sa maong matang, nga nagsugod sa amihanan-sidlakang probinsya sa Ituri sa DRC.
Mikaylap usab ang virus sa ubang mga rehiyon sa nasud—ilabi na sa mga lugar nga puno sa mga armadong grupo—diin kulang ang mga lokal nga pasilidad medikal ug mga kahinguhaan sa gobyerno.
Gibanabana nga 15,000 ka mga tawo ang namatay tungod sa Ebola sa Africa sulod sa milabay nga lima ka dekada. Ang virus mokaylap pinaagi sa kontak sa mga pluwido sa lawas, ug ang mga komplikasyon naglakip sa grabeng pagdugo sa sulod ug gawas sa lawas ingon man ang pagkapakyas sa mga organo sa lawas.
Sa pagkakaron, wala pay gi-aprubahan nga tambal o bakuna alang sa Ebola, bisan pa man nga ang mga eksperto nagpadayon sa pagpanukiduki alang sa epektibong mga pamaagi sa pagtambal.
