Nagtanyag ang Iran og $30,000 nga ganti alang sa bisan kinsa nga makadakop o makapatay og sundalong Amerikano.
Sumala sa state news agency sa Iran, miingon si Army Chief Amir Hatami nga gilunsad ang maong programa human makadawat ang militar og daghang hangyo gikan sa mga Iranian nga gustong moapil niini.
Mas dako ang ganti alang sa mga babaye nga makakompleto sa programa.
Matod ni Hatami, ang mga babaye nga makadakop o makapatay og sundalong Amerikano makadawat og doble sa $30,000.
Wala maghatag si Hatami og dugang detalye kung asa o kanus-a ipatuman ang pagdakop o pagpatay sa mga sundalong Amerikano.
Wala usab gikumpirma ang pag-deploy sa mga ground forces sa US ngadto sa Iran taliwala sa kasamtangang gubat.
Lakip sa mga gikatahong operasyon sa US ang misyon sa pagluwas niadtong Abril alang sa usa ka Amerikanong piloto kansang eroplano gipusil.
Nanawagan pag-usab si Hatami sa Estados Unidos nga mobiya sa Middle East.
Giinsistir usab niya nga wala nay permiso ang US nga mosulod sa Persian Gulf, Gulf of Oman ug Strait of Hormuz.
