Posibleng masuspinde o mabawi ang lisensya sa pagmaneho sa aktor nga si Derek Ramsay ug sa iyang higala nga si Anthony Jude Violago tungod sa giingong paggamit og dili awtorisadong plaka sa usa ka Porsche 918 Spyder.
Sumala sa Land Transportation Office (LTO), gisugdan ang imbestigasyon human namatikdan sa ilang mga personahe sa social media ang maong sakyanan nga adunay plaka nga dili motakdo sa opisyal nga rehistro niini.
Ang Porsche narehistro kang Ramsay.
Matod sa LTO, giingong giusab ni Violago ang plaka aron motakdo sa iyang inisyal nga “AJV” samtang gigamit ang sakyanan sa usa ka kalihokan.
Gisurender ni Ramsay ang Porsche nga anaa na sa kustodiya sa LTO, samtang gisurender usab ni Violago ang iyang lisensya sa pagmaneho.
Pareho silang nangayo og pasaylo ug miangkon sa ilang sayop.
Gawas sa P5,000 nga multa, posible silang mag-atubang og 90 ka adlaw nga preventive suspension o mas bug-at nga silot, depende sa desisyon sa LTO Intelligence Division.
Gimandoan sila nga motambong sa LTO sa Agosto 24 aron ipasabot ang ilang bahin sa insidente.
