Gipahamtangan sa Land Transportation Office (LTO) og duha ka tuig nga revocation ang driver’s license sa aktor nga si Niño Muhlach human kini makabangga og mga establisiyemento ug usa ka motorsiklo sa siyudad sa Antipolo niadtong naglabayng bulan.
Sumala sa imbestigasyon sa LTO, nawad-an og kontrol ang aktor sa iyang gihuptang sakyanan tungod sa grabeng kapoy.
Tungod sa maong aksidente, nabanggan sa aktor ang tulo ka bilding ug usa ka rider sa motorsiklo.
Gipadayag usab sa LTO nga magpabilin nga naa sa alarm status ang sasakyan sa aktor aron mapatuman ang iyang kinahanglang bayrang multa ug aron mapugngan ang bisan unsang mga transaksyon nga may kalabotan niini.
Kahinumduman nga una nang niamkon ang aktor nga nakatug gyud siya samtang nagmaneho tungod sa sobrang kakapoy.
