Miingon si US President Donald Trump nga dili pa andam ang Iran sa paghimo sa iyang gitawag nga “hustong kasabutan” uban sa Estados Unidos, samtang nagpadayon ang tensiyon tali sa duha ka nasud, niadtong Biyernes, Agosto 21, 2026.
Matud ni Trump, padayon lamang nga “nag-obserbar” ang Washington sa sitwasyon ug wala niya isalikway ang posibilidad sa dugang nga aksyong militar kung dili magkasinabot ang duha ka partido.
Gipasigarbo usab ni Trump ang kontrol sa US sa Strait of Hormuz, usa ka estratehikong agianan sa lana sa kalibotan nga nahimong sentro sa panagbangi ug negosasyon tali sa US ug Iran.
Samtang, nagpadayon ang paningkamot alang sa usa ka kasabutan nga makatapos sa panagbangi ug makapabalik sa normal nga pagbiyahe sa mga barko sa Strait of Hormuz.
Apan nagpabiling dakong babag ang mga kondisyon sa duha ka nasud bahin sa seguridad ug pagkontrol sa maong agianan.
Gipakita usab sa oil market ang epekto sa tensiyon, diin misaka ang presyo sa crude oil tungod sa kabalaka sa posibleng dugang nga pagkabalda sa suplay pinaagi sa Strait of Hormuz.
