Gipasiugda ni House Speaker Faustino Dy III nga ang edukasyon usa ka prayoridad sa House of Representatives, lakip na ang pagsuporta sa mga magtutudlo ug estudyante ug ang pagsiguro sa kaluwasan sulod sa mga eskwelahan.
Matod ni Dy, mahinungdanon ang lig-on nga pundasyon sa edukasyon aron masiguro ang hayag nga kaugmaon sa mga kabatan-onang Pilipino.
Mitambong usab siya sa seremonyas sa pagpanumpa sa kapin 4,000 ka mga magtutudlo ug non-teaching personnel sa Isabela nga nakadawat og promosyon ubos sa expanded career progression program sa Department of Education.
Agi’g pagtimaan sa National Teachers’ Month, gipadayag ni Dy ang iyang pasalamat sa mga magtutudlo tungod sa dakong papel nga ilang gidula sa paghulma sa sunod nga henerasyon.
Gipasiugda usab niya ang kamahinungdanon sa hustong paggamit sa pondo sa gobyerno nga gigahin alang sa edukasyon.
Sumala ni Dy, gikinahanglan ang direktang pakig-alayon sa mga magtutudlo, ginikanan, lokal nga mga opisyal, ug sa komunidad aron mailhan ang mga hagit nga giatubang sa mga estudyante ug makahimo og mga balaod nga motubag sa tinuod nga mga panginahanglan sa mga pamilyang Pilipino.
