Iran, andam sa posibleng kapakyasan sa peace deal plan sa U.S.

Andam ang Iran sa bisan unsang posibleng mahitabo kung mapakyas ang gitinguhang peace deal uban sa Estados Unidos.

Matod ni Iranian Foreign Minister Abbas Araghchi, gisumite na sa Iran ang ilang tubag sa “7-day plan” ug kasamtangan kining gipaubos sa internal nga pagrepaso.

Tumong sa maong plano ang pagpahunong sa panagbangi, pag-abli pag-usab sa Strait of Hormuz, ug pag-andam sa dalan padulong sa usa ka mas malungtarong kasabutan sa kalinaw.

Gilauman nga ipahibalo sa Iran ang ilang opisyal nga baruganan bahin sa maong plano sa umaabot nga mga adlaw.

Apan, gipasiugda ni Araghchi nga andam ang Iran sa bisan unsang sitwasyon, lakip na kung mapakyas ang negosasyon alang sa maong kasabutan.