UN, nagpahayag og kabalaka sa nagkadaghan nga mibakwit sa Yemen tungod sa pag-atake sa Houthi rebels

Nawad-an og mga pinuy-anan ang kapin sa 130,000 ka mga tawo tungod sa mga pag-atake sa Houthi rebels sa Yemen.

Sumala sa United Nations Refugee Agency o UNHCR, daghang mga residente ang nanglayas sukad misugod ang grabeng mga pag-atake sa mga Houthi rebels niadtong Agosto.

Base usab sa mga banabana sa World Health Organization o WHO, 959 ka mga tawo ang namatay samtang 4,207 ang naangol sa Yemen tali sa Agosto ug Oktubre.

Misaka usab ang gidaghanon sa mga kaso sa cholera tungod sa nagkagrabeng panagsangka sa maong lugar.

Kahinumdoman nga gipakusgan sa Houthi rebels ang ilang mga pag-atake sa Yemen tungod sa ilang tinguha nga makontrol ang gobyerno.