Nagpabiling kanselado ang daghang mga biyahe sa eroplano sa Saudi Arabia tungod sa padayon nga mga pag-atake sa mga rebeldeng Houthi.
Gibanabana nga 86 porsyento sa mga nakaeskedyul nga biyahe sa King Khalid International Airport sa Riyadh, Saudi Arabia, ang gikansela sukad niadtong Oktubre 8.
Sukad sa unang semana sa Oktubre, gipakusgan sa mga Houthi ang ilang mga pag-atake batok sa Saudi Arabia, diin giingong gipuntirya ang mga tugpahanan, pantalan, ug mga pasilidad sa lana.
Kahinumdoman nga niadtong Oktubre 10, anaa sa 13 ka tawo ang gikataho nga namatay human sa pag-atake sa mga rebeldeng Houthi sa usa ka tugpahanan sa Saudi Arabia.
Bisan pa niini, gibuksan na pag-usab sa Saudi Arabia ang pipila sa mga tugpahanan niini, samtang nagpabiling apektado ang daghang mga biyahe sa eroplano.
