Mga flight sa PAL paingon sa Riyadh, gikanselar hangtod sa Nobyembre 29

Gikanselar sa Philippine Airlines ang mga biyahe niini paingon ug gikan sa Riyadh, Saudi Arabia, hangtod sa katapusan sa Nobyembre ning tuiga tungod sa mga gikataho nga pag-atake sa King Khalid International Airport.

Ang mga biyahe nga PR654 ug PR655 magpabilin nga suspendido hangtod sa Nobyembre 29, sumala sa pahibalo nga gipagawas sa airline niadtong Oktubre 12.

Dugang pa sa airline, padayon nilang gimonitor ang kahimtang sa mga operasyon ug seguridad sa ilang mga biyahe.

Nahitabo kini human sa mga taho bahin sa mga pag-atake sa King Khalid International Airport, usa ka insidente nga miresulta sa pagkaangol sa upat ka mga Pilipino.