Adunay kapin sa P1 milyon nga deposito sa bangko ang usa sa mga anak ni Vice President Sara Duterte ug Atty. Mans Carpio sa katapusan sa matag tuig gikan 2022 hangtod 2025, sumala sa testimonya sa usa ka opisyal sa bangko karung adlawa Miyerkules.
Si Atty. Niña Ferren Aguilar sa Anti-Money Laundering Division sa Metropolitan Bank and Trust Company o Metrobank maoy mitestigo atol sa ika-35 nga adlaw sa impeachment trial ni Bise Presidente Sara Duterte.
Matod ni Aguilar, ang account sa usa sa menor de edad nga anak sa magtiayong Duterte-Carpio sa Metrobank adunay mosunod nga balanse sa katapusan sa tuig:
P1.8 milyon niadtong 2022
P1.3 milyon niadtong 2023
P1.458 milyon niadtong 2024
P1.459 milyon niadtong 2025
Gipamatud-an usab ni Aguilar nga adunay joint account ang Bise Presidente ug iyang bana, nga adunay mosunod nga balanse:
P2.278 milyon niadtong 2022
P2.436 milyon niadtong 2023
P330,000 niadtong 2024
P55,000 niadtong 2025
Samtang, ang account nga nakapangalan sa Bise Presidente adunay balanse nga P85,000 sa katapusan sa matag tuig gikan 2022 hangtod 2025.
Matod pa ni Alih, ang maong mga account adunay kinatibuk-ang balanse nga P190 milyon sa katapusan sa 2025.
