Gikumpirma sa Office of the Vice President (OVP) nga mobiyahe paingon sa Hong Kong si Vice President Sara Duterte gikan Nobyembre 6 hangtod 8, 2026.
Sa opisyal nga pahayag nga gipagawas karong Biyernes, Nobyembre 6, gipahibalo sa OVP nga motambong ang Bise Presidente sa nagkadaiyang kalihokan didto, lakip ang usa ka kalihokan nga giorganisar sa Filipino Community (FilCom).
Matod sa OVP, nakakuha na si Duterte og pagtugot sa pagbiyahe gikan sa Quezon City Regional Trial Court (RTC), Branch 98, pinaagi sa mando nga gipetsahan og Nobyembre 3.
Nakuha usab niya ang gikinahanglang travel clearance gikan sa Office of the President.
Giklaro usab sa OVP nga personal nga gasto ni Duterte ang mogasto sa maong biyahe.
Dili usab mogamit og pondo, kagamitan, o pasilidad sa gobyerno alang niini.
Wala na maghatag og dugang detalye ang OVP bahin sa ubang kalihokan nga pagatambongan sa Bise Presidente atol sa iyang pagpabilin sa Hong Kong.
Kahinumdoman nga gikatakdang ipadayon sa Nobyembre 9 ang proseso sa impeachment batok kang Duterte.
Gilauman nga magsugod nianang higayona ang iyang kampo sa pagpresentar sa mga saksi ug ebidensya isip kabahin sa iyang depensa.
